يستحق الحمد والشكر

حبيبتي والشمس

نهال صلاح

فيكي إيه أصلا مايتحبش ده إنتي الأرض اللي بتمشي عليها بتتمنى إنها تشيلك في عيونها شيل.. الجماد لما بتقفي قصاده بيتحرك من مكانه ويرقص ويغني..

لما بشوفك بحمد ربنا وبسبحه.. بحمد ربنا على النعمة الغالية والكبيرة والجميلة اللي هداها ليا.. وبسبحه على قدرته عشان ماشوفتش حد ولا هشوف حد زيك في كل حاجة جمال وأخلاق وعلم وثقافة وتربية وحب وإحتواء وعظمة وصدق وحكمة وإخلاص ومودة ورحمة .. في كل حاجة صعب إني أعد عشان إنتي معجزة وهدية ربانية تستحق الحمد والشكر كل ثانية، تستحق إني اشيلها في عيوني شيل لأخر العمر، تستحق إني أفضل أحبها وأموت فيها وأعشقها، تستحق إني مهما أقدم يكون في لسة كتيييييير جوايا ليها لإنها أكثر وأكبر من كده وتستحق كل حاجة جميلة ربنا وهبها، يعني معقولة لما أشوفك ماقولش "ماشاء الله ربنا يحفظك يارب" وأسبحه وأحمده عليكي "هو في أجمل من كده" يا أجمل هدية ربانية

كنت زمان بخاف من الشمس والصبح.. مش بعرف أفتح عيني في الشمس وبلاقيني بغمضها بسرعة وبتدمع، أول ما شوفتك في نادي الشرطة في القاعة كنت حاسة إن القاعة كلها مضلمة ومفيش نور خالص ولقيت نور من بعيد حاولت أقاوم إني مغمضش ونجحت وحبيبت الصبح والشمس وبقيت مابخافش.. لقيت نورك رباني ولما نجحت إني مغمضش عيني لقيت نورك ده نور كل حاجة .. حبيت النور عشان منك ليه إحساس مختلف عشان نورك ده ممتد صبح وليل وفي كل وقت .. نورك ده مرتبط بوجودك، لما بتغيبي عني كل حاجة بتفقد معانيها صدقيني إنتي مش بتضيفي نور وبس!!! إنتي بتضيفي حيااااااااااة للحياة

روحي عرفتني لما عرفتك روحي إتعلقت بروحك ومحستش إنك غريبة عليها حسيت إني أعرفك من زمن وكنت بدور عليكي وماصدقت إني لقيتك عشان أحاوطك وماسبكيش ابدا، من اول ما عرفتك ومن قبل مااشوفك كمان وانا حساكي.. عرفاكي.. متعلقة بيكي.. شايلاكي جوه عيوني لأخر العمر.. وهفضل معاكي يا اجمل هدية ربانية