Thursday, April 2, 2015

استنيت الباب يخبط عليا الصبح والحد اللي مستنياه يقولي يلا !! استنيت والباب مخبطش
بصيت في الساعة لقيت معاد تجمعنا جيه ومحدش برضه خبط..

مسكت موبايلي ومعرفتش اتصل.. خوفت..

فضلت كل شوية استنى اللي عشته امبارح يتكرر النهاردة وبالشكل اللي كان نفسي فيه ولسة النهاردة مجاش

مستنية مفاجأة مش متوقعة تحصل.. مفاجأة جوايا بس..

عايزة بس أسأل سؤال هي الدنيا دي تلاهي؟ ولا عشان الحياة مشغوليات والناس بتنشغل.. طب مين اللي خلاها كده؟؟

طول عمري بخاف من حاجة واحدة بس وهي "الفراق" وبدعي ربنا مايجيبه وبتألم من جوايا عليه

وحشتيني.. ووحشتوني.. ووحشتني ضحكتك في وسط ضحكتكم.

وبدعي "يا رب"

ربنا يحفظكم.

* مش عارفة  اكمل كتابة

 :)

:)

نهال صلاح.. من عالم تاني


:)))))
:)))))
& MOOOOOOOOORE
اسمعيهم
;)
سامحيني لإني مش صادقة
:(((
وحشاني، وحشتيني، لأ بقى بتوحشيني ... طب يارب مش حقيقي لما أقولها وحشتيني بجد مش بيبقى حقيقي، طب أعمل إيه...أسكت أحسن؟؟؟ تفتكر يا أنا هو ده حل؟
أنا:- مممم طب لو هي مش وحشاكي ليه بتقوليلها وحشتيني؟
- ما هو لازم أقولها كده
أنا:- إنتي كده مش صادقة و إنتي عارفة باقي الكلام
ما أنا مشكلتي إني عارفة إني مش صادقة اعمل إيه متضايقة بجد و مش عايزة أتكلم عشان ده هيكون أحسن، طب أعمل إيه
أنا:- يعني إنتي عارفة إنك مش صادقة؟
أيوة للأسف
أنا:- و كمان للأسف
تقاطعها:- أيوه للأسف، هقولك يا أستاذة، ماهو لما تقولي كلمة وحشتيني لازم تكوني حساها وصادقة في كل معنى فيها، طب لما تكوني بجد صادقة بإحساسك وحساها قوي، لا و الأدهى إنك لما تيجي تقوليها تحسي إنك مش صادقة... مش صادقة عشان اللي جواكي بجد أكثر من أي كلمة .. لما بقولك ( وحشتيني ) بتضايق لإن اللي جوايا أكثر من الكلمة دي، طب أقول إيه أنا بقى أقول إيه و اللغة اللي موجودة مش معترفة بيها، مفيش داعي للكلام و الإحساس واصل، معاكي في ده بس بجد بقى وحشتيني
وحشتيني و أنا مش صادقة لإنك أكثر من وحشتيني
اللي إخترع اللغة منامش كويس لما إخترعها أو نام
مش هتفرق
عارفين ليه، هتعرفوا قدام...
هو إخترع اللغة أه بس ما إخترعش الإحساس
عايزة أعرف لما إخترعها كان بيحس بإيه؟ إحساسه إيه بقى هل كانت اللغة دي بتكون صادقة معاه لما الأستاذ ده يحب يعبر عن حاجة جواه بيعبر بيها إزاييييي؟ يعني لما حد بيوحشه بيكون وحشه فعلا واوي كمان اوي اوي، هل كلمة وحشتني موصلة فعلا الإحساس اللي حاسس بيه جواه.. أراهن على إنه عارف ومتأكد إن الكلام مش بيوصل كل حاجة، مجرد بس تعبير بسيط مختلف عن اللي جواه واللي جواه اكبر واعمق من انه يتحكي، الكلام اللي إخترعه كان ترجمة بس بس ترجمة سريعة مش كافية لإحساس صعب الترجمة فيه
وحشتيني و أنا مش صادقة لإنك أكثر من وحشتيني
بحبك... وأنا مش صادقة لإن اللي جوايا أكثر واكبر واعمق وتجاوز كل الكده والكده والكده
سؤال مضايقني قبل ما أمشي مين اللي إخترع علم اللغة و الكلام، طب لغة الكدة بقى دي لغتي
:D
ومش عايزة أتكلم غير بيها إحساس وفعل بيبان ومشاعر صعب إنها تتعبر وتعجز عن الوصف، وكلام مش مفهوم بس برضه مفهوم
مفهوم
:)))))))) <3 span="">
--------------------------------------------------------------------------------------------------------------------------
2 - مشاعر صعب التحدث أو الكتابة عنها
مشاعر نادر ما توجد وعندما تجدها أخيرا تتمسك بها بكل ما تملك، لإنك شديد التيقن أنه لا شيء في الحياة يضاهي هذه المشاعر
ما هذا الشعور الذي تعجز عن وصفه أي مفردات عندما لا تنام ليلا لإنك ستراها صباحا من بعد فترة أجازة عدت عليك كإنها أعوام.. فكرت هل هذا الشعور مثل شعور اول يوم مدرسة لا تنام وتفكر وتفكر لتجد نفسك "طبقت" من كثر السعادة التي بداخلك إنك أخيرا أخيرا أول يوم مدرسة لكني عندما قارنت وجدت هذا الشعور الذي اشعر به أكبر، من مجرد مدرسة أكبر وأعمق وأعمق لا أعرف أن أوصف هذا الشعور الذي أشعر به سوى إنه فاق كل شيء لا تريد النوم وتريد الساعة أن تجري لترتدي ثيابك مسرعا لإنه أخيرا "الأجازة خلصت وهشوفها" ما هذا الشعور وخاصة لما الطريق يكون زحمة بقى ونفسك تسابق كل العربيات اللي قدامك شعور لا يمكن وصفه ولكنه ما أروعه شعور سعادة بالغة وحينما أقف أمامها أخيرا واراها لا اعرف لا اعرف أن أوصف أقف أمامها أريد أن أحضنها بشدة واريد أن أتحدث واريد أن أراها واريد واريد ماذا افعل ما الأول؟؟؟ مليون ألف شعور في وقت واحد في حاجة واحدة تجمعهم وهي الحب بجد
- لاشيئ في الدنيا يضاهي كلمة فقط تسمعها منها وهي تسألك عن شيء ما ما أعذبها كلمة، وما جميل هذا الشعور الذي لا يمكن أن يوصف وماذا إن رأيتها وهي مبتسمة وأن تسمع ضحكتها تدرك حينها أن قلبك يخرج من داخلك ليرقص ليعلن أنه تخطى كل حدود السعادة عندما رأى وسمع إبتسامتها.
أشعرت قبل ذلك أنك مسؤول "من وعن" "وعن ومن" ما أروعه هذه الشعور أن يكون لديك وما أعظمه أيضا إن كان من تشعر تجاهه كل هذا الشعور يستحق ويستحق أعظم من ذلك عندما ترى من أنت مسؤول "عنه" مهموم أو مشغول بفكره أو لديه العديد والعديد من الأشياء التي تشغله وترهقه، وقتها تقف وتشعر إنك بالفعل مسؤول عنه وإنك تريد من داخلك أن تتقلب وتسافر وتتنطط لتعود إبتسامته لتختفي همومه لتراه سعيد بالفعل وتشعر براحته، عندما يحدث معك أي شيء وتريد الإختباء في هذا الشخص تريد أن تشكيله تحكيله تقوله نكتة تتناقش معاه تعمل أي حاجة وتستخبى فيه، ممكن كمان ماتقولش على فكرة يكفيك تقف قدام هذا الشخص لتنسى كل شيء تريد أن تقوله وتشعر إنك "خلاص قولته" عندها فقط تجد نفسك مسؤول منه.
المسؤوولية من وعن هي شعوور واحد وغير منقسم عندما تشعر إنك مسؤول عن يبقى إنت مسؤوول من والعكس صحيح، عندما ترى اناسا كثيرون يحبون الذي مسؤول منه وعنه ويقتدون به، وعندما تجد أناسا لا يعرفونه ويحبونه يا الله ما هذا الشعور الذي يصيبني ماهذه الإبتسامة المليئة بدموع الفرحة مع دقات القلب أسمعها بوضوح تعلو من قلبي لوجهي
ماذا عندما تجد حارس المكان التي تعمل به يقول لك كلاما يبكيك داخليا وخارجيا عنها عندما تدرك إنه لا يبالغ ويتحدث بعفوية مطلقة وأنت بداخلك مدرك ومقتنع بكل ما يقوله عن هذا الشخص وبداخلك أكثر من ما يقال، تترك المكان متجها لبيتك وانت بداخلك سعادة لا توصف أبدا.
عندما تجد من يحرس المكان ويقوم بالإعتناء يقومون بالإطلاق عنهم الـ
Office boys
تجد من منهم طيب وشديد العفوية ومحترم وتدرك أن كلامه ليس مبالغا أيضا لإنه يثبت ذلك بتصرفاته المحترمة كما أنه من البديهي أن يشعر كل إنسان إن كان هذا الشعور حقيقي أم لا "من القلب بجد ولا كلام"، عندما تدرك أن كل حديثه يقوله من كل أعماق قلبه وما يذهلك هذه الطريقة التي يتحدث بها ما هذا الشعور يا الله... عندما يتحدث ويتحدث كل من بداخله مشاعر صافية وحقيقية يا الله ماهذا الشعور وتكون دائما أنت شديد الفخر بها بكل ما تقوم به هي، بكل أرائها بكل كلمة تكون كـ "حكمة" وتثبت في ذاكرتك ولا تستطع نسيان أي كلمة تقولها مهما حدث لإنها منها.. بإختصار أن تكون فخور جدا بكل شيء منها وعنها، سعادة لا يمكن أن توصف ما هذا الشعور الذي أتيقن من إن أمريكا أو إسرائيل رأت وأدركت هذا الشعور لأوقفت الحرب ولعاش العالم في سلام وحب، ما هذا الشعور يا الله الذي فاق كل الحدود وأنت بداخلك تدعو لها من كل أعماق أعماقك وقلبك يرقص رقصة هو فقط يعرف كيف يرقصها وسعادة بالغة مع الكثير والكثير من اأدعية لهاشعور يعجز كائن عن وصفه وتعجز الأساطير أيضا.
هناك حديث سمعته أبكاني وأتذكر كل حرف به وتمالكت نفسي إلى حين صعدت لفوق أبكاني بكل ما في داخليا وخارجيا، عندما وجدت حارس السيارات يقول إنه لا يرى إبتسامتي الحقيقية إلا معها وعندما أكون معها أكون فعلا سعيدة من كل قلبي وإني أكن لها العديد والعديد تحدث قليلا بهذا الحديث وأكمل حديثه بضحكة يا الله ضحكت وبكيت كيف له أن يعرف ولم يسبق أن أتحدث معه.. هل طيبة المصريين وعفويتهم يستطيعون بها أن يدركوا ما بداخل الشخص عدة أسئلة مع سعادة بالغة جدا سعادة ودموع ضحكت ضحكة لم استطع تمالك نفسي وحينما صعدت جلست وهدئت شعرت بسعادة بالغة حدود السماء وحمدت الله مع الكثير من الأدعية سعادة لا أستطع وصفها لإنه شخص لا يعرفني ولا أعرفه مجرد سلامي عليه صباحا ورؤويته حينما اصعد وحينما أنزل وطريقة كلامه أدهشتني جدا.
أتحدث هنا عن أشخاص لا يعرفونك عندما يدركون ما بداخلك من مشاعر ما لها من سعادة وعندما ترى هذا ايضا من اشخاص يعرفونك ويعرفون هذا الشخص ويتحدثون أيضا ما هذا الشعور الذي تعجز عن وصفه كل الموصفات وكل الأساطيرماذا عندما تحب أن تسمع زكريات عنه ومنه ولا تمل أبدا.. وتتمنى أن تسمع أكثر وأكثر ما هذه السعادة وماهذا الحب الذي بإمكانه أن يهزم كل شيء
ما أروعه شعور وأجمله عندما تجلس وعقلك به العديد والعديد وفجأة تمسك بهاتفك لتقوم بإرسال رسالة ثم يسابقك الشخص المرسل إليه بالإتصال تتحدث معه وتنهي الكلام وعلى وجهك إبتسامة السماء "إبتسامة السماء" هي مزيج من رضا وحب من الله ومزيج من مشاعر لا يمكن وصفها، ما أروعه أيضا عندما تمسك بالهاتف لتقوم بالإتصال وقبل أن أصبعك يتحرك لزر الإتصال تجد من تطلبه يسبقك بالإتصال شعور لا يمكن وصفه.
ماذا من إنك تدرك أشياء لم تحدث إنها ستحدث بالفعل في الدقائق القادمة وتتفاجيء إنها حدثت؟؟ ترى لماذا تفاجئت مع إني أعلم بحدوثها؟؟ هل وحي؟؟ لا ليس وحي إنه تلاقي أرواح مع قوة تركيز مع قدرة الله لذلك تحدث معك هذه الأشياءاتعذب عدة مرات عندماا تحدث أشياء صعبة وقد أحسست قبلها بحدوثها، أسأل نفسي مرارا لماذا كل مرة أتفاجيء؟ مع إني أعلم؟؟ولكن شعوري يتجاوزحدود السماء عندما أشعر إنها ستقول لي شيئا ما وتقول، أو إننا سنقوم بعمل شيء ما وقد شعرت بهذا الشيء منذ دقائق.
عندما تشعر بإن الشخض الذي تكن له الحب الذي تعجز عن وصفه وبخك إن قصرت وإن أهملت وإن أخطات ما أقساه هذا الشعور عليك عندما لا تحب أن تخطيء وتخطيء غصب عنك والأهم من ذلك أنه قمت بتسبيب زعل شديد بداخل هذا الشخص.. تعاقب نفسك عدة مرات وتوبخها وتعهد إنك لا تخطأ وتقوم بإصلاح ما أفسدته وتتود إليها بعهد جديد وصفحة جديدة على نفسك ألا تخطأ أو تقصر وألا تخيب أملها فيك
هنا يتداخل الشعور الذي تحدثت عنه "المسؤوولية من وعن" في هذا الشعور لإنه مسؤول عنك فيوبخك إن قصرت وأهملت ويقومك ويريدك الأفضل دوما لإنه يحبك
شعورين بصراحة شعور مؤلم عندما تقصر وتهمل ويوبخك وشعور معناه إنه يحبك جدا ولذلك فعليك أن "تحترم نفسك بقى"
وماذا يا الله إن قالت لك كلمة شكر أو هنئتك أو قالت "برافو" أو أو أو ماذا أريد من الدنيا بعد هذا الحديث بكل عقلي وقلبي اقولها لا اريد شيئا من الحياة بعد هذه الكلمات التي قالتها أريد فقط الإختباء بها فقط ..وداخلي مشاعر ترقص وتغني وتصعد وتتجاوز حدود السماء بحديثها هذا قمة السعادة التي لا توصف، قمة السعادة إنك أسعدتها إنها فخورة إن و إن ومليون إن لازم تخليك حاسس شعور عمرك ما تقدر توصفه
عندما تجد نفسك إنك لا تستطيع التعبير بأي كلمة وإن عبرت تشعر بقمة تقصيرك وإنك شديد الظلم، لإن ما تعبر به ليس حقيقي لإنك لا تقول ما بداخلك وكيف لي أن أقوله يا الله كيف لي أن أعبر وهو شعور تستطيع فقط أن تشعر به دون الكتابة عنه.. فقط تدرك أن ما بداخلكما هو أعظم من أي كلمة إذا كانت الأرواح تتلاقي وتتحدث فكيف أحتاج لترجمة لكلمة "حب" او "وحشتيني" بس شعور مؤلم ايضا أن تحاول وصف ما بدخلك ولا تستطيع تريد وتريد وتكتب أو تقول وتقف في النهاية أمام كلمة لا أعرف بداخلي اكثر يا الله أريد أن أعبر عن كل ما بداخلي هل أستطيع.. أجاوب أنا لا ولن أستطيع كمان هناك عدة أشياء تفقد معناها بالكلام الكثير قيمتها بالقيمة التي بداخلك وتشعر هي بها وتحاول إثباتها بافعالك فقط،
ماذا تريد من الدنيا بإبتسامة منها صباحا بعد أن تطمئن عليها وتسمع صوتها وترها هل هناك أجمل وأعظم من هذا الشعور؟؟؟؟ تذهب لعملك وتكمل عملك بكل نشاط وحب وحيوية ومشاعر متداخلة مع بعض وسعادة لا توصف لإنك بدئت يومك بها
عندما تحب الزحمة وتجد متعة فيها عالكوبري لإنها تبقيك مع من تحب أطول وقت ممكن وتستمتع بصوت السيارات كإنه صوت موسيقى تحبها ولا تأبه أن تنظر في الساعة أبدا ما أروعه شعور عندما تترجى بداخلك الساعة أن تبقيك وقت إضافي أخر وتحمد الله على هذا الوقت مع إنك تتمنى أكبر منه بمراحل ولكن في نفس الوقت يكون لديك شعور إنك تريد الكوبري والشوارع تخلو من البشر والسيارات كي تمنحها الراحة كي لا تقود كل هذه المسافة ببطء شديد كي يكون لديها الوقت لعمل عدة أشياء به شعور متناقض ولكنه شعور مليء بالسعادة التي لا حد لها يكفيك إنك مع من تحب حتى لو دقائق والأهم إنه سينال قسط كبير من الراحة لذلك تتمنى أن تكون الشوارع دوما تخلو من البشر والسيارات
عندما يحقق لك كوبري أكتوبر كل أمنياتك وعندما يحمل لك هدية وهي أمنيتك إن لم أكن معها فأتمنى حتى أن أرها فيحقق لك أمنيتك وتنظر على كل السيارات حتى أخيرا من بين كل السيارات وكل الزحام عينيك تراها وإستطعت أن أدركها من بين كل زحمة الكوبري.. ما هذا الشعور الذي يشعر به أصلا سائق التاكسي "تعالى يمين أنا عايزة اوصلها بسرعة أسلم حتى إتصرف" ماهذا الشعور الذي تستطيع أن تدرك فقط أنفاسك ترتفع لتتخطى الزحام وتدرك ما بعد السماء وتتخطى كل حدود السعادة
وتتمنى كل يوم إن لم أكن معها أن أراها في أي وقت وأي مكان حتى دقائق
:)))
عندما تكون الساعة أكبر صديق لك عندما تكون مع من تحب لإنك لا تدرك الوقت ولا يهمك أن تدركه وتترجى الساعة أن تقف مكانها ولا تتحرك لتنال وقت إضافي وفي الوقت الذي تكون عنه بعيد تتمنى أن الساعة تجري وتجري وتنط وتسابق الزمن عشان بس تطمن على من تحبه وتشوفه من جديد
ما هذا الشعور الذي يأتيك عندما تدخل أي مكان وتتمنى أن "الصدفة الإلاهية" تكون مرافقة لك وأن تمنحك ما تتمناه وأن ترها "صدفة مترتبة" ولا صدفة قدرية هي في الحالتين أعظم صدفة ممكن تقابلها في حياتك
يا الله عن المشاعر التي تشعر بها بجوارها وأنت لا تأبه شيئا ولا تخاف أي شيء فهي بجوراي فلماذا الخوف إذا؟؟؟؟
عندما تكون مطمئنة وفي أحسن حال وفي سعادة حقيقية وفي راحة حقيقية ولا يشغل بالها شيئا والتوفيق والنجاح أصدقائها وعناية الله تشملها في كل خطوة ماذا إذا أريد من الحياة .. أشعر بسعادة بالغة كل شيء عندما أجدها بجد بجد بجد كده لما مش كده بيكون شعور مؤلم بتمنى أتنطط عشان ترجع راحة بالها وأشوف ضحكتها بجد
عندما يكون الدعاء هو صديق منك لها ولكنك ترتاح جدا عندما يطمئنك الله عليها ويكون مرافقا لها في كل خطوة شعور رائع عندما تترجى الله أن يستجب دعائك لها
عدة مشاعر منها كلها لا يمكني أن أتحدث عنها ولكني أتحدث عن أشياء لا تذكر إتجاه أشياء عميقة وكثيرة واكبر بكبير مما ذكر صعب ذكرها لإنها لا توصف ولا يوجد أي معنى تستطع إيجاده لوصفها
عدة مشاعر تستطيع فقط أن تدركها مع هـــــــــــــــــــا
كلمة أخيرة: بحبك أوي أوي أوي وحشاني ووحشتيني وبتوحشيني أوي أوي أوي من كتيييييير أوي وأنا برضه مش صادقة
ربنا يحفظك ومايحرمنيش منك أبدا يارب ويخليكي ليا يارب
<3>

نهال صلاح.. مايتحكيش عليها

سئمت من هذه التكنولوجيا لولا وجودها فيها لكنت إعتزلت عنها وكنت لا اأبه العودة للذي يسمى الفيس بوك..
الفيس بوك معندوش قلب
وأنا عندي الدليل... أنا زعلانة منك يا ... يعني ينفع تسيب كل الناس اللي بيغلطوا في بعض وتيجي عالغلبانة وتقفلها أكونتها طب ده يبقى كلام؟؟؟
الفيس بوك: دي حاجة ضرورية بنعملها مع كل الناس
ريم: كمان إيه اللي كل الناس مش بحب التمثيل عندي إستعداد أطلعلك اكثر من اكاونت وضد سسياستكم وإنتم سايبينهم..
إنتوا ليه عملتوا كده معايا أنا بجد زعلانة وزعلانة اوي كمان، مش عارفة أتعامل مع الأكاونت الجديد، حاسة إن زكرياتي قفلتوا عليها الصندوق وخادتوا كمان مفتاحه مني.. أنا مش بعمل حاجة غلط عشان تعملوا كده معايا بعتلكم إيميلات كتيير لغاية مابقتوش تردوا حتى عليا رديتوا مرة واحدة وسبتوني أكلم نفسي.. قولتلكم أنا مش بقدر أعيش من غير زكرياتي وخاصة لما تكون الذكريات متعلقة بـ
PH
مقدرش أنا كنت كل شوية برجع أقرا كل رسايلنا مع بعض وأقرا كل الوول ما بنا واقرا كل الـ
COMMENTS
على
NOTES
وعلى الـ
STATUS
والفيديوهات
مش هاممني أي حاجة تانية غير زكرياتي معاها في الأكاونت القديم رجعولي أول يوم بقت عندي عالأكاونت رجعولي أول وول ما بينا رجعولي كل الـ
WALLS
وكل المسجات ما بينا وكل حاجة بتتعلق بيها أرجوكم ينفع كده ينفع أرجع بزكرياتي في الإيميلات ينفع أبص عالإيميلات ما أنا لما ببص عالإيميلات بتكون جزء من الذكريات مش كلها مش بيظهرلي المسج كاملة بيظهرلي الرد بس مش بيظهرلي النوت إيه بيظهرلي تعليقات أنا عاوزة بس زكرياتي معاها أرجوكم
أنا بعتلكم وعد وأنا قد كلامي مش هشتغل مش هعمل دعاية مش هعمل حاجة ماردتوش عليا ده حتى يوم عيد ميلادي بعتلكم مردتوش قولتلكم رجعولي الأكاونت رجعولي زكرياتي معاها.. طبعا عندي زكريات بعيدة عنكم وعن تكنولوجياتكم دي بس بحب اجمع كل حاجة ليها علاقة بيها بحب أحتفظ بأي حاجة مهما كان حجمها المهم مادام جاية منها لو حتى مسج أنا محتفظة بكل المسجات أصلا أرجوكم رجعولي فسيبوكي رجعولي زكرياتها معايا
إنتم معندوكوش قلب ولا حتى ضمير وأنا ليا حق أقولكم كده بعد اللي عملتوه فيا من 3 شهور ولسة مفيش حتى إيميل بتعتذرولي فيه
الفيس بوك: معنديش كلام مش عارف أعتذر ولا أعمل إيه
ريم: رجع بس الاكاونت وسيب الباقي عليا وأنا مش هضايقكم باي حاجة رجعولي كل زكرياتها كل مسجاتها أي
notification
منها تكون موجودة أي تعليق كل اللي ليه علاقة بيها يكون موجود عايزة بس زكرياتها معايا وانا اللي بعتذر معرفش على إيه بس رجعولي الأكاونت أنا بفتح الأيميل بتاعي عشان أبص على كل الذكريات مابنا .. أرجوكم
مش عارفة أتعامل طبيعي بجد متضايقة بجد حبيت قبل ما أدخل في الكلام أقولكم كده عشان بجد اللي جوايا صعب أوصفه من الحركة اللي عملتوها معايا دي
:((((
2
جلست تحملق في شاشتها تدعي التركيز تعمل في صمت.. تنتظر وتنتظر وتنتظر ولم تأتي بعد مع كل دقيقية تمر عليها وهي تعمل وتنتظر قدومها كإنها ملايين من السنوات مرت الساعة الأولى وقلبها يرجف بشدة وكل خطوة تسمعها من خلفها تتمنى أن تكون هي تتمنى أن تكون التي تنتظرها قدمت.. تنظر لكل الخطوات التي تسمعها من خلفها ولا تراها ترتجف أكثر وتنظر مرة أخرى في شاشتها مرت الساعة الثانية وهي تعمل في صمت ولكن الإنتظار يكاد أن يقتلها وتتمنى أن تسمع خبر قدومها أو تسمع خطواتها تخطو بسرعة إلى الداخل
فجأة سمعت من بعيد خطوات حفرت في قلبها وليست غريبة عليها إبتدت تشعر أن الحياة دبت فيها من جديد والمكان أخيرا إجتحاته حياة مرة أخرى من بعد أن كان جماد فقط.. عينها تفتحت ضحكتها صعدت فجأة إلى وجهها وتبسمت تحمد الله إنها قدمت أخيرا ونظرت إلى خلف هذا الزاجاج الذي خلفها ورأتها أخيرا وعادت تنظر إلى شاشتها فتحت ملف وكتبت فيه "وحشتيني أوي.. الحمد لله خفت ماتجيش النهاردة عشان كان نفسي أقولك صباح الخير وأشوفك .. كان نفسي أطمن عليكي من ورا الكلام اللي في الشغل الحمد لله روحي رجعتلي بجد"
دقات قلبها عادت تدق فرحا مرة أخرى. لا أحد طبعا يشعر بكل هذه الأشياء التي تحدث لي غيرها هي فقط..
3-
عندما أصل متأخرة وأدخل عليها أتمنى أن أطير لأكون أمامها وأسبق كل الحواجز التي أمامي قبل أن تصل لي.. دوما عند دخولي إليها أدعي اللله أن لا يوقفني أحد ليسأل عن أي شيء اتمنى أن أصل إليها باسرع وقت ممكن.. لأرها وأسمع كلمتين منها لأطمئن عليها وأستطع بدء اليوم بها.. أقف أمامها ولا أعرف أن أتحدث أقف بإبتسامة تقرأ ما لا تقوله أقف قليللا أداعبها حتى أطمئن عليها
وكده
;)
4- عشان المعنى يوصل فهنزل أخر
2 notes
عنها والمهم المعنى يوصل وعارفة إنه واصل
;)
لا أعلم ماذا حدث فجأة وبدون أي إنذار.. إنقطعت الكهرباء...... وعم هدوء يتسم بـ " الرخامة " على هذه " التكنولوجيا المستحدثة "
التي تسمى " الكمبيوتر " وتحديدا على هذا الموقع الغريب الذي يدعى بالـ
facebook
دار في الأول حوار بيني وبين نفسي و إنتاباني القلق لإني أخف الجلوس في الضلام لإن لا معنى لأي شيء في هذه الحياة بدونها... لم تكن ضلمة عادية فقد كانت مستمرة لمدة طالات الـ 3 أشهر، أصبحت أجلس أمامه لست مثل الأول لست متحمسة لأي شيء حتى " عملي " الدائم من خلال هذا الموقع " قل "، عندما أجلس أمامه لا أشعر الأن بما كنت أشعر به دائما،، أصبح الـ
inbox
مزدحم بما هو عديم الفائدة مزدحم بالرسائل التي لا تعني لي شيئا.
أصبحت الـ
Notifications
مملة ولا أتحمس لمعرفت من قال ماذا من خلال الـ
Notifications
كنت سابقا أشعر بالعيد عندما يتزامن معها وقت دخولي على هذا الموقع كنت عندما أرى
Notification
أسرع لفتحها ولا أنظر غير على إسمها ودقات قلبي تعلو من الفرحة
أما عن زيارتها لـ
my profile
كانت عيد الاعياد كانت تمثلي هذه الزيارة فرحة الطفل بالعيد، كانت تمثلي هذه الزيارة سعادة بالغة حدود السماء، أما إن علقت على
الـ
Status
أو حتى لو
إكتفت بالـ
like
فالـ
Notifications
تبلغني إنها أشادت من خلال زر ماوسها بالـ
like
يكفيني إنها أعجبها الكلام وعرفت مغزى الحديث;)
فما أسعدها من سعادة، وبكتفي إني بقول " محدش قدي " دلوقتي:)
أما عن الـ
status
فقط إعتزلت عنها الأن أكتفي بما هو مبهم فقط ما بين فترة و اخرى، فكيف أكتب رسائلي المعتادة لها و أعلم إنها لا تقرأها، فكيف أنقل لها ما هو بداخلي لها وهي لا تقرأ.
حتى الـ
profile pic
شيلتها.. والـ
notes
اللي عايزة أكتبها بقالي مليون سنة وقت أما أقرر إني حنزلها تكون مش على الموقع ده حتى الـ
groups
بقيت مش عارفة شكلهاـ والـ
fan pages
بقيت شبه بعضها، دي حتى الـ
events
مالهاش لازمة لا اعمل
attend ولا حتى ما attendesh
مش فارقة.
أما عن الـ
friends
مبقاتش عارفاهم و
الضلمة أثرت علي
profilathum
كنت دايما بعمل
search
عندي أمل إن الحياة ترجع للموقع ده بس كنت بلاقي
profilat
غريبة بصراحة
مبقتش عارفة أعمل
share
لا لـ
video ولا حتى حاجة
زودت الـ
privacy
رخامة
وقللت من الـ
activity
و الـ
account
بجد مالوش لازمة!!! ده حتى الـ
facebook
نفسه زعلان والـ
sites
بقت شبه بعضها ما فضليش غير
e-mail
و
folders
عاللاب متقسمة
picsو videos
على كلام كثير أووووووووي لسة ماتبعتش في
documents
مع
songs
بسمعها وأنا بفتح الـ
folders
و إذ فجأتا في حركة على الـ
facebook
حسيت بيها قبل ما تحصل، من كثر النور اللي فجأة طلع من الـ
computer
قفلت أنوار الشقة كلها أخيرا بقى للـ
facebook
معاني أخيرا نورك الملائكي نور الـ
Facebook
بجد الـ fb من غيرك مالوش لازمة
مش مهم على فكرة الـ
facebook
دي بس حاجة كده عشان أقولك
welcome back للفيس بوك
ووحشتيني
بطريقة معينة:)
المهم إن ربنا يخليكي ليا يارب ومايحرمنيش من أغلى وأجمل و أنقى إنسانة في الحياة، ربنا يخليلي الملاك اللي منور الكون كله بنوره
و كده
بحبك أوي أوي أوي
5-
نفسي أكون.. نفسي أكون يا حبيبتي معاكي
نفسي أكون موبايلك واطلب الأرقام اللي إنتي عايزاها بدالك من غير ما تتعبي نفسك وتدوري.. وأكتب المسج زي مانتي عايزة من غير ما تتعبي وتكتبي .. وأحط فيا الأغاني اللي بتحبيها والأفلام كمان وأبقى معاكي في إيدك على طول.
ولو إتسرقت هتسحب وأرجعلك نط
:))))
نفسي أكون قلم في إيدك يكتب الـ
Notes
بكل اللي تقوليه.. وأفكرك بمواعيدك وأكتب واسجل كل اللي تقوليه ولو الحبر خلص غيريلي حبري من بنك الحبر فصيلة حبري سيبهالك بإسمك هناك
نفس أكون كشكول صغير بتحطي في شنطتك ولونه حلو عليه كارتون عشان تحبيه وكمان
dorry
عشان تحبيني، والورق بتاعه هيكون شبهك ولو الورق خلص هتلاقي ورقه بيزيد من غير ما تحسي
:)))
نفسي أكون علية مناديل في عربيتك تستعمليني أساعدك من غير ما تتعبي اشيل عنك أي حاجة وصدقيني المناديل هتبقى لونها حلو ومعطرة كمان ومش هخلص برضه في مني كمان كلينكس تحطيني في شنطتك معاكي عشان ما أفارقكيش
:)
نفسي أكون عربيتك أسوق بدالك وأبقى معاكي كتييييير ده أنا هطول وإنتي عارفة الزحمة بقى في كل مكان .. هتكون فرصة بصراحة إني أبقى معاكي بس بالرغم من إني نفسي الشوارع كلها تبقى زحمة عشان أفضل معاكي بس أنا هوصلك بسرعة عشان تريحي وهعمل كل المشاوير في أسرع وقت ومش هعطل وهدلع نفسي واخلي كل العربيات تغير مني والكراسي هتبقى مريحة عشانك وهسمعك كل الـ
music
اللي بتحبيها وهعملك سينما كمان.. مش هعطل متخافيش
نفسي أكون
McDonald's
عشان تحبي تاكلي من عندي ده أنا هعملك أكل صحي بقى وهاخد بالي من نفسي وهعمل على كل الوجبات عروض عشان تفكري فيا وفي الـ
Marketing
ليا.. ماتخفايش أكلي هخليه صحي 100%100
نفسي أكون إزازة المية في إيدك.. اللاب توب بتاعك.. المخدة إن شاء الله حتى القطة وألعب معاكي.. نفسي أكون الأغنية اللي بتحبيها وأفضل أعيد وأزيد في نفس الكلام في الحالة دي هتسمحيلي بالإعادة
:D:D:D
نفسي أكون لحن بتحبيه أكون الـ
Guitar
والوتر اللي بتعزفي عليه، نفسي أكون منبه في ساعتك نفسي أكون ساعتك في إيدك، نفسي أكون عسل صحي بتحبي تشربيه شاي أخضر حتى
نفسي أكون دبدوب في أوضتك بتحبيه، نفسي أكون شنطة شايلة كل حاجتك وبتغير مني كل الشنط عشان معاكي، نفسي أكون أفلام بتحبيها وتتفرجي عليا كل شوية نفسي أكون حلقات
Friends
نفسي أكون أكون برنامج
Photoshop
وأعلمك كل حاجة، نفسي أكون الأبحاث اللي بتطلب وأعمل نفسي بنفسي وأريحك، نفسي أكون جاكيت حتى يدفيكي في البرد ده ، نفسي أكون إشارة مرور وتعديكي بسرعة وماتخلكيش تقفي كتير نفسي أكون عامود نور وأنورلك كل الشوارع حواليكي، نفسي أكون سينما بتحبي تدخليني
نفسي أكون برنامج عالكمبيوتر إن شاءالله حتى
Firefox aw google chrome
معنديش مانع .. نفسي أكون كل الكافيهات اللي بتحبيها وبتحبي تيجي عندي وكل يوم هعملك مفاجأت هتلاقيني مستنياكي كل يوم
نفسي أكون حاجات كتيييييييييييير أوي بس معاكي
ولسة في كده كتييييييييييييييير
كده بقى
;)
إليها هي.. إليها كده وكده ومليون ألف كده كمان
:)))
وكده
:)
صعب الكلام يوصف كل حاجة زي مانا عايزاها اللي جوايا ليكي أكبر من كلمة "بحبك" وأكبر من كلمة "وحشتيني" أوي

بحبك








حلمت بيكي .. صحيت لقيتك ..
سكنت فيكي وفيا سكنتي
روحي إتشعلقت في روحك وحالفة ما تسيبك .. ماهي روحي عرفتني لما عرفتك، أصل يا حبيبتي الحياة دبت فيا من يوم ما شوفتك واما تغيبي عليا ألقى روحي تغيب.. تجري وراكي سبقاكي لفين ما تروحي.. حمياكي حساكي داعيالك ربنا ما يسيبك


وأما اشوفك ألقاني مش عالأرض.. رجليا بتتخبط في بعض نسيت الكلام اللي نفسي أقوله وبتهته
ببقى مش عالأرض من الفرحة ببقى في عالم تاني.. ببقى في السما من فرحتي بيكي روحي بقت بترقص رقص

بلقى روحي دبت فيا من جديد وببقى نفسي مافارقكيش ثواني .. عينيا بليل مابجيلهاش نوم غير أما أطمن عليكي أشوفك أحسك أدعيلك ربنا ما يسيبك.. وأما أصحى بصحى عليكي على صوتك وصورتك.. وفي الحلم كمان سكنتي، وبتبقي مالية عليا كل وقتي مفيش دقيقة بتغيبي عني.. أصلي بجد بحبك


;)

@Serendipity_egy #May27 #Tahrir #Egypt






إستيقظت من النوم ومازالت رغبتي في الكتابة تجتاحني وفي أثناء نومي كنت أختصر وأوضح كلامي وظللت هكذا حتى ساعات مبكرة من الصباح.. لا جدوى من النوم لإنه لا يأتي غير القليل من إغلاق العين وصحوة العقل والقب معا والقلق الذي يرتابهما مع التفكير المستمر.

الكيبورد كان لا يستطيع كتابة ما أريد قوله ظللت أمسح الكلام الذي أكتبه وأكتب كلام غيره وهكذا... وأختصر وأختصر ، أصعب شيء أن يتداخل كل ما بداخلك وتريد قول أشياء كثيرة ولا تجد مرادفات تستطيع قولها فتحاول أن تترجم وتترجم خاصة إنك لا تجيد ترجمة ما في داخلك..


إستيقظت وقررت أن أستمع لمنير قليلا .. وأنقل كل ما بداخلي "مش كله أوي يعني" :D

@Serendipity_egy #May27 #Tahrir #Egypt

الهاشتاج اللي مش هقدر أكتبها لإن حكايتها كبيرة #Jan25

مقتطفات سريعة...



لم أكن أعرف أن لميدان التحرير هذه المشاعر التي تشاركناها سويا.. عندما إعتلت الأصوات والشعارات لتتوحد على مطالب معينة.. عندما إنتاب القلق الجميع عندما هاجم البلطجية المتظاهرون في موقعة الجمل.. عندما وقفنا عند نقابة الصحفيين وتوحد الهتاف بـ "يا رب" "يا رب" .. عندما تصدرتي المشهد أمامي وتحدثتي للعساكر "إننا نزقهم وهما يعملوا نفسهم بيتزفوا ونطلع من الكردون ده وقولتلهم إنتوا زينا وتكلمتي معاهم" حينها شعرت بخوف شديد عليكي وعن ردة فعلهم وإنهم هيطيعوا ظباطهم مش هيسمعونا.. كدت أموت وكتمت بكائي بداخلي وقررت أن أحيطك خوفا عليكي.. لم أكن معتادة على المظاهرات قبلها غير مرة كنت في مظاهرة على نفس السلم لم يكن عندي مطالب بل جئت للفضول ليس أكثر وتسحبت عندما علمت إنها مظاهرة للإخوان.. شاهدت حينها منظر الأمن المركزي ومنظر المتظاهرين وهم تعتلي أصواتهم معا ولكن كانت اصواتهم ضعيفة ليست قوية مشتتة حيث إنه تمثل فئة معينة..طيلت فترة سفري كنت أشاهد العاشرة مساءا تحديدا واشاهد التقارير والمظاهرات ولم أكن أتخيل إنه سيأتي يوما وسنقف جميعا في هذا المشهد..


حتى عندما قطعت الإتصالات وقبل أن تقطع وحديثي إليكي مبكرا وكلي قلق وخوف وظللت طوال اليوم في إنهيار داخلي وخارجي أشاهد التلفاز وأدعو الله.. ولم أهدى لأستطيع التفكير إلا في صباح يوم 29 يناير عندما عادت مرة أخرى الإتصالات وتحدثت إليكي مسرعة..

حينما نتفق سويا على موعد نتقابل فيه لنتجه إلى المظاهرات.. وإستعدادي قبل النزول قبل الموعد المتفق عليه بساعات.. وتضارب الشعور بداخلي.. مع كل مرة نتجه سويا للتحرير ونلتحم مع باقي المتظاهرين كنتي تعلميني دروسا عديدة على الدروس التي تعلميها إلي يوميا.. الإنتماء للبلد .. التلاحم مع الناس.. البساطة.. تكوين الراي السليم المبني على العقل والقلب سويا.. السماع والقراءة الكثيرة لتكوين رأي سليم وعدم الإندفاع.. الإصرار والإيمان بداخلك كنت أنظر إليكي وحتى عندما تحبطين يبقى بداخلك هذا النور الرباني المشع الذي يعيدك سريعا ويزيدك إصرار.. وحبك الحقيقي للبللد وإصرارك عالتغيير... مع كل دققية عدت علينا سويا كانت روحي تلتحم مع روحك أكثر ما هما ملتحمين.. وتلتحم في هذا الميدان.. المسمى بالتحرير

القلق والخوف المريب .. الحب الذي تخطى كل الحدود.. الثقة بالله والإصرار والأمل .. الضحكة اللي من القلب اللي شوفتها في عنيكي يوم 11 فبراير اللي غسلت روحك من قلق ومن تعب ومن حزن ومن خوف ومن أحاسيس متلخبطة.. والتي أعادت إلي الحياة عندما شاهدتك وصوتك يعلو هتافا وحبا لمصر والعلم ملتف حواليكي.

كيف لي أن أنسى هذا الميدان ؟؟ الذي ولدنا فيه من جديد؟؟؟؟ أنا شخصية لا تفارقها تفاصيل الذكريات وكل يوم نقضيه يضاف إلى سلسة ذكريات صعب محوها للأبد تحديدا "معك" فأدخل إلى الميدان أشاهد المكان الذي وقفنا فيه جميعا واستطيع إعادة المشهد
play backمن جديد بدون نسيان اي تفصيلة فترتسم بداخلي ضحكة وعلى وجهي.. وأنطق بكلمة واحدة "وحشتيني قوي ووحشني الميدان"

#May27
دخلنا سويا إلى الميدان ونظرت لكل مكان تجمعنا فيه سويا ونظرت لكي.. ونظرت إلى السماء بـ "يا رب" ولازالت أنظر لكل مكان وعايزة اقولك وحشتيني بجد .. وإلتحم الجو الرباني بنا وتوحد الهتاف من جديد وكإني أرى المشهد يعيد نفسه من جديد.. نفس المشاعر تختلط ببعضهما البعض.. المشهد يعاد من جديد من بعد 3 شهور فارقنا الميدان وإنشغلنا جميعا.. عدنا مرة أخرى للميدان بمطالب لمصرنا مع حجم قلق وخوف مختلف ولكن يبقى أننا مع بعض نتشارك سويا جميع المشاعر واللحظات والدقائق في مكان واحد وهو الميدان.. يبقى إني لازالت أحبك وبشدة في كل ثانية جوا الميدان وبرا الميدان

:)


بإختصاردي كانت مقتطفات سريعة .. التفاصيل تتبع ;)

شعور لا يستطيع أحد وصفه ولا استطيع شخصيا وصفه وهو حبي الشديد لكي.. وفخري الشديد بكي..

ربنا ما يحرمني منك أبدا..

Thursday, July 26, 2012

أنجلينا جولي برقبتكم..







ممكن كلامي مايعجبش ناس كتيرة... وممكن كمان محدش يقرا اللي هكتبه قبل ما أدخل في الكلام واشرح بوجه كلامي لمين.. وعن إيه.. أحب أتكلم الأول وأنم شوية عن أنجيلينا جولي هكسب شوية سيئات بس همحيها في الكلام اللي هيجي بعد كده "واثقة في نفسي" :)

مين انجلينا جولي معظمنا يعرفها بس راجل الشارع البسيط مايعرفهاش.. او يعرف انها استغفر الله العظيم ست مش ولا بد وافلامها مش ولا بده و"يدور وشه" وممكن لما تسأله يفتكر انك مش ولا بد :) خلونا نكلم نفسنا عالنت وبعدين نشوف هنعمل ايه مع الناس في الشارع.. أغلبنا شوفنا أفلام لأنجلينا جولي.. وكعادة الأفلام الأجنبية لا تخلو من المشاهد اللي اكيد واي حد بيتفرج على اي فيلم صادفته وجود المشاهد.. تحديدا أنجلينا جولي معظم افلامها تحوي الكثير من المشاهد اللي بتخدش حياء اي فرد في مجتمع شرقي متمسك بعلاقته مع ربه وبأخلاق مجتمعه.. ممكن تكون المشاهد دي ليها تفسير ان ده مجتمع غربي ومجتمع بعيد عن الدين.. ده غير ان نظام الحياة الشخصية هناك "اللي هي ماتخصناش" بعيدة برضه عن اي اخلاق او دين  "مش مشكلتنا"

غير المشاهد السيئة اللي قامت بها أنجيلينا جولي في معظم افلامها.. أنجلينا جولي بتدعم حقوق المثليين في الزواج "اسمع حد بيقول يا خبر استغفر الله وممكن يخبي وشه قال يعني اتكسف" أنجلينا بتدعم هذا النوع اللي بعيد برضه عن اي دين وعن اي اخلاق.. بعكس والدة براد بيت اللي بتحارب هذا النوع المتخلف من الزواج.. واللي تقريبا بتتخانق مع جولي عشان بنت جولي ما تتشبهش بالولاد "مشاكل عائلية مالناش علاقة برضه"

-    ممكن اي حد يجرب يكتب اسم أنجلينا جولي على جوجل يشوف ايه اول النتائج اللي هتظهر وعملتها برينت سكرين عشان نبعد عن الإتهامات هنلاقي من الحاجات اللي متصدرة "أنجلينا جولي للكبار فقط – أنجلينا جولي والجنس – أنجلينا جولي وانطونيو بانديراس"

-هنلاقي دلوقتي اللي قاعد يقول ديه هتولع في نار جهنم دي مصيرها جهنم وبئس المصير، وممكن كمان بعد ما يقول الكلام ده يروح يقعد بينه وبين نفسه يدور على فيديوهات يشوفهالها "أصله عايز يتأكد انها هتدخل النار" :)

-    خلاص كلنا نمينا الحمد لله وعرفنا انها هتدخل النار وبنتحاور دلوقتي هتدخل انهي باب من ابواب جهنم بقى؟؟؟ طب هتولع بالنار ولا بالجاز والبنزين؟؟؟ طيب خلونا نكمل وبعدين نشوف طريقة نحرقها او يمكن نحرق نفسنا ونولع في نفسنا أحسن..

بجانب كل الحاجات الفلة اللي اتقالت فوق.. نجرب نكتب على جوجل أنجلينا جولي "ويكيبديا" مع ان ويكبيديا سهل التحريف فيه بس هجبلكم كذا مصدر..

هيظهرلنا
مساهمتها الإنسانية

    منحت مليون دولار لأحد معسكرات اللجوء الأفغاني في باكستان
    مليون دولار لمنظمة أطباء بلا حدود.
    مليون دولار لمنظمة الطفل العالمي.
    مليون دولار لمنظمة غلوبال إيدز أليانس.
    مليون دولار لمنكوبي دارفور.
    5 ملايين دولار لأطفال كمبوديا.
    100 ألف دولار لمؤسسة دانيال بيرل

في زيارتها الثالثة للعراق  قدمت دعما مادياً ومعنوياً لمئات الآلاف من اللاجئين العراقيين داخل وخارج العراق... زارت مخيمات اللاجئين بلبنان. واللاجئين الصوماليين بكينيا. وزارت أفغانستان. الصومال. باكستان. دارفور. سلفادور. تنزانيا. سيراليون وغيرها بشاحنات محملة بملايين الدولارات وبمختلف أنواع الأغذية والأدوية والأطعمة

طيب عايزين نشوف مصدر أحسن: يلا بينا:
تعمل الممثلة الاميركية انجلينا جولي بصحبة براد بيت على توزيع المساعدات للاجئين على الحدود السورية، في محاولة لتسليط الضوء على معاناتهم ونشر ثقافة الانسانية والشعور بالغير.

جدير بالذكر أن الممثلة الأمريكية جولي بكت في مقابلة تليفزيونية على أحدى الفضائيات التركية على ما يحدث في سوريا عندما شاهدت عدد من صور أطفال سوريا الذين قتلوا في الاحداث هناك.


أنجلينا جولي تتبرع بـ100 ألف دولار للاجئي سوريا
http://www.alarabiya.net/articles/2012/06/21/221854.html

Turkey: Angelina Jolie Meets Syrian Refugees
http://www.youtube.com/watch?v=P_m1ifGNL5Y

Angelina Jolie Visits Haiti
http://www.youtube.com/watch?v=H5zbHaOOgNE&feature=relmfu

Angelina Jolie and brad Pitt in Pakistan
http://www.youtube.com/watch?v=LF0DHqXpal0&feature=related

Angelina Jolie in Iraq
http://www.youtube.com/watch?v=PcY5xS69YAo&feature=related

Angelina Jolie Returns to Kabul
http://www.youtube.com/watch?v=0xW93QOso6M&feature=related

Angelina Jolie Returns to Chad
http://www.youtube.com/watch?v=blMplPRb7Zc&feature=related


ANGELINA JOLIE VISITS TUNISIA-LIBYA BORDER
http://www.youtube.com/watch?v=k0z92kQe2xw

Angelina Jolie Visits Somali Refugees
http://www.youtube.com/watch?v=OhAMu4v79bo


-    ومصادر كتير "بس اللي يدور هيلاقيها" هل نسبة الناس اللي بيدوروا لأنجلينا لفيديوهات من النوع الأولاني نفس نسبة الناس اللي بيدوروا لأنجلينا على الفيديوهات الثانية ؟؟؟ هل  الناس عارفة مواقف أنجلينا؟؟؟؟ طب ها حابين نقعد نحلل ونقول هتدخل جنة ولا نار؟؟ بقينا محللين من عند ربنا ملايكة إحنا صح؟؟؟ بنحاسب الناس على أخطائها ولما يعملوا حاجات كويسة ندور وشنا ونستشهد بايات قرأنية في غير مواضعها وكلام كبير خلينا الغير مسلمين يستغربوا من تصرفاتنا.. بدل ما نكون صورة مشرفة لديننا جزء كبير منا خاد ديننا كصورة بس بيلبسها قدام الناس.. منهم الإخوان اللي لا ليهم علاقة من بعيد ولا من قريب باللي بتعمله أنجلينا ..اللي لازم يشيلوا كلمة مسلمين من لقبهم "لا دخل الدين بالسياسة ".. فالحين بس يحللوا ويكفروا اي حاجة وهم نفسهم مش فاهمين حاجة وبيحاسبوا الناس.. بتحاسبوا الناس على إيه.. انتوا ربنا مثلا؟؟؟

هاتوا بقى دفتر حساب زي ما بتحاسبوا الناس يلا نتحاسب بقى أصلنا كلنا فاضيين ووصلنا ليوم القيامة وقاعدين عمالين نحاسب بعض.. ها انتوا عملتوا إيه؟؟؟؟ فالحين بس تنزلوا للناس الفقيرة وقت الإنتخابات بالسكر والزيت وأكثر وقت الصور والفيديوهات تتنشر فيه عنكم انكم بتعملوا خير هو وقت الإنتخابات؟!! طب لو انتوا بتعملوا خير ويا عم نقول انكم احسن من انجلينا كمان عملتوا ايه على ارض الواقع؟؟؟؟؟ بنيتوا ايه عمرتوا ايه شغلتوا مين ظبطوا ايه.. شبعتوا مين؟؟؟؟ "الله يحرقكوا" جزء منكم بيستخدم الدين كشعار؟؟؟ خليتوا ناس مسلمين خايفين يقولوا انهم مسلمين عشان الصورة الزفت اللي انتوا بتمثلوها.. الإسلام دين حب ورحمة الإسلام بساطة مش تعقيد.. الإسلام ابسط بكتير من ما تمثلوه "ربنا يحرقكوا برضه"

خليتوا واحدة محجبة اللي هو انا.. بكون عايزة افسر للناس ان حجابي مش معناه اني متخلفة.. عشان الصورة اللي بتمثلوها عننا.. عشان الشيوخ الفلة الشمعمة منورة اللي بيطلعوا يرهبوا الناس في التلفزيون...  ممكن اكون محجبة ومش متزمة بالدين ولا بعمل بيه يبقى مالوش لازمة وممكن اكون مش محجبة واحسن مليون مرة من اي واحدة محجبة.. الدين مش مظاهر ياللي بتتكلموا بإسم الدين.. مش عايزة تعليق من حد يوصف نفسه ربنا عليا..


ما شاء الله عليكم كمان عاملين كناة أتفال منكبات؟؟؟؟ عايزين الأطفال يطلعوا معقدين ولا مرضى ؟؟؟ ناقصين امراض في المجتمع؟؟ ربنا يحرقكم

ظهر دعاة دين معتدلين الفترة الأخيرة والواحد قال الحمد لله اهوم ناس معتدلين في وسط ناس هبل هيعدلوا المايلة..وظهرتولنا على الساحة السياسية ويا ريتنا شوفنا حاجة عدلة منكم ياللي بتتكلموا بإسم الدين.. مش كفاية القنوات المتخلفة اللي عاملينها اللي بتتكلم بإسم الدين وكل حد فيها قاعد يزعق ويرهب الناس.. واللي فيها "وقالت الصناديق للدين نعم" نعم الله عليك..


اخر حاجة في النقطة دي لو عندنا واحد غير مسلم وواحد مسلم مين اللي هيدخل الجنة؟ طب لو المسلم ده اخلاقه زفت والغير مسلم زي الفل؟؟ مين اللي هيدخل الجنة ياللي بتتكلموا بإسم الدين وانتوا مش فاهمينه.. ؟؟ هل كده أنجلينا جولي هتدخل النار ياللي شاغلين نفسكم بغيركم؟؟؟؟ في اعتقادي الشخصي ان ربنا رب قلوب.. وان الإسلام معناه أعمق واشمل وليه معاني كتيره جدا.. في اعتقادي الشخصي ان الجنة غير مخصصة لمن يحمل فقط الهوية الإسلامية.. في ناس مسلمة فقط اسما وشكلا.. ولكنها بعيدة كل البعد عن الدين الصح..

في ناس اتولدوا وهما على ديانة أهاليهم "الحمد لله على نعمة الإسلام"..  بس الناس دي مقتنعة بدينها ولا بتعمل حاجة غلط ولا حاجة بتغضب ربنا وبيعملوا حاجات خير بشكل كبير زي "أنجلينا جولي" بغض النظر عن اي حاجة ثانية سيئة عملتها.. الناس دي بتعمل خير بشكل كبير جدا..

 
يا ريت نبعد عن الشكليات اللي سبب تأخرنا لغاية دلوقتي يا ريت نفهم ديننا صح.. كفاية جهل وتخلف وامراض مجتمعية ونفاق.. كفاية تمثيل في الدين.. ديني بيني وبين ربي.. محدش يحاسب حد على شكله عامل إزاي.. شوفه فعله عامل إزاي.. قلدوا اللي بيعمله.. قلدوا أنجلينا يا بتوع الدين "مش بعمم" بتكلم على اللي فاهمين ديننا غلط.. بتكلم عن جهلة بيتكموا بإسم الدين ودخلوا ديننا في السياسة.. بتكلم عن الخير اللي مش بيتشاف..


اخر حاجة  هو فين فنانينا ؟؟؟ فينك يا عمرو دياب يا تامر حسني فينك يا منير يا شيرين يا أنغام.. فينك يا احمد السقا.. كريم عبد العزيز.. محمد هنيدي.. محمد سعد.. غادة عادل.. عادل إمام.. نور الشريف..  "ممكن حد يكمل كتابة باقي الاسماء" فينكم يا حبايبي يا حلويين؟؟ ألا مش البلد دي قامت فيها ثورة؟؟؟ طب أنا نفسي حد منكم يقولي رأيه إيه في اللي بتعمله أنجلينا جولي؟؟؟ تمثيل صح؟؟ أكشمن أنجلينا عايزة شو إعلامي يا حرام وإكشمن بلدها باعتاها تتجسس على البلاد التانية.. إكشمنها رأفت الهجان يعني صح؟؟؟
 
 فينكم من مصر؟؟؟ فين دوركم الله يرحمكم.. مش مصر المفروض كانت بتقود البلاد في مجال الفن قبل ما الدراما السورية تدخل والدراما التركية وبعدين بقينا الدراما الملوخية؟؟؟ مش مصر المفترض يعني الفن فيها متقدم إلى حد ما وبنعمل مشلشلات بملايين وافلام وكده وعندنا نجوم شباك ونجوم بلكونات ونجوم مطابخ؟؟؟ طب فينكم كلكم على بعضكم يا فنانين يا مصريين؟؟؟ مش مكسوفيين على دمكم؟؟؟

جزء منكم ظهر في الثورة واكتفى بدوره الثوري فقط ولكن ايه الأدوار الثانية اللي عملتوها؟؟ مخلينها بينكم وبين ربنا صح.. :)

وايه بعد الثورة اللي لسة مانجحتش فينكم؟؟ كلكم ظاهرينلنا بحاجة وسبعين مسلسل في رمضان وماشوفناش منكم حاجة عدلة لمصر؟؟؟ غير الأغاني الوتنية والكلمتين المحبوكيين في البرامج عملتوا إيه يا فنانين مصر؟؟؟؟ ده مسلسلاتكم الألفاظ فيها بقت بتنحدر بقى عادي جدا الاقي في مسلسل تلميح لمشاهد معينة وعادي جدا الاقي كلمة .... تيت وتيت وتيت.. هتقولولي اصل الفن مرأة المجتمع؟؟ طب بالنسبة للمجتمع تيجوا نقضي الويك اند الجاي في المجتمع ونفكر مع بعضينا ونشتغل مع بعضينا عليه ولا إيه؟؟

عملتوا إيه للمجتمع الضايع اخلاقيا ومعيشتيا وسياسيا وفنياً؟؟؟ عملتوا ايه لبلدكم عشان تقدروا تعملوا لسوريا وغيرها من البلدان؟؟؟ عملتوا إيه يا نجومنا يا قدوة ؟؟؟ عملتوا ايه؟؟ لو مش عايزين تدخلوا في السياسة فيه مليون طريقة تقدروا تعملوا بيها حاجة غير المسلسلات والأفلام وغير انكم تزوروا مستشفى سرطان الأطفال وتتبرعوا شوية... فيه طرق تانية..

إعتبروا يا أولوا الألباب.. وجعتوا قلوبنا على ديننا وعلى بلدنا وعلى الفن..

بس كده..

ملاحظة: كلامي ده موجه للي بيمثلوا الدين أسوأ تمثيل+ للفنانين والمغنيين الفلة..

شكر خاص: نهال صلاح