فين السينما ؟؟؟

المفروض ان التدوينة هتكون غير كدا خاصتا من بعد الغياب بس استفزيت من القرار ده وهو"-:-

قرار د\اشرف ذكى

قرر الدكتور اشرف ذكى نقيب الممثلين بعدم السماح لأى ممثل او ممثله من خارج مصر بالعمل فى اكثر من فيلم فى نفس السنه ويشمل هذا القرار كل الممثلين العرب.

وخلاصة القصد من القرارات هي الحد مما إعتبرها اشرف زكي " بطالة " الفنانيين المصريين ومحاربتهم في لقمة عيشهم عن طريق الاستعانة بفنانتين غير مصريين بأجور أقل، كما أن الطريقة العشوائية التي يعمل بها البعض حاليا

أدت إلى اختفاء عمالقة الفن المصري واحتلال عناصر شابة مجهولة الهوية ومحدودة الموهبة أفيشات الأفلام
؟؟؟؟؟؟؟؟؟؟

ازاى يعنى يفهمنا انه هيمنع اى ممثل او ممثلة من خارج مصر للاشتراك فى اكثر من فيلم فى السنة فى المقابل فى ممثلين مصريين بيعملوا اكتر من فيلم فى السنة وزى مابيقول انه بيعمل كدا عشان الغزو العربى وعشان يدى فرصة لخريجى معهد السينما اللى متخرجين بقالهم فترة وقاعدين فى بيوتهم دلوقتى يعنى الممثلين العرب هما اللى عاملين ازمة القرار اللى اخده مش الممثلين العرب اللى هيخسروا بس السينما المصرية هى اللى هتخسرهم هتخسر مواهب بتحب السينما بجد ومواهب حقيقية فى مثلا:- نور وهند صبرى وجمال سليمان وجومانا مراد وتيم الحسن وايمن زيدان وغيرهم

ازاى فيلم واحد فى السنة فى مقابل الممثلين المصريين اكتر من فيلم هتقول مش هتمنع ولاد بلدك من السينما بتاعتهم طيب السينما المصرية طول عمرها هيا السينما اللى بتجمع العرب كلهم زى صباح عمرنا ما فكرنا فى افلامها انها مش مصرية

وبالنسبة للمواهب اللى قاعدين فى بيوتهم السبب مش الممثلين العرب دور عالسبب الحقيقى وهتعرفه لوحدك بالقرار ده هيخسر وكلنا هنخسر مواهب حقيقية بجد مش فاهمة القرار

ازاى يعنى؟؟؟
تحديث:- قرر د\اشرف ذكى باستثناء نور وهند صبرى من القرار والسماح لهم بالمشاركة فى اكثر من فيلم
وأكد أنه على استعداد لمنح عضوية النقابة لمن يستحق واشار الى ان هند صبرى تزوجت من مصر فلا مشكلة لديها

كما أكد نقيب الفنانين المصريين اشرف زكى انه لن يمانع اطلاقا بان يقوم فنان بوزن جمال سليمان، او تيم الحسن، او ايمن زيدان، او هند صبري بالمشاركة في اكثر من عمل في العام؛ لانهم- بحسب تعبيره- "فنانين بحق، ولا يمكن لا اي احد ان يمنعهم من العمل في اكثر من عمل واحد في العام

تصريحات عديدة وتناقض فى الكلام وقرار غير مفهوم

سيصبح هذا القرار علامة سوداء فى تاريخ السينما المصرية عند الممثلين العرب والعمل الفنى الواحد الذى اراده د\اشرف ذكى بعد فترة لن يكون عمل واحد بمعنى ان الممثلين العرب بسبب هذا القرار مش هيمثلوا فى مصر وهتخسر السينما المصرية نجوم حقيقية طبعا مش كلهم نجوم بس اغلبهم مواهب حقيقية

بعد التصريحات العديدة مفيش كلام عندى غير

لا تعليق".